Aktivitet ndërkombëtar për studentët e mjekësisë dhe mjekët e rinj
Fakulteti i Mjekësisë i Universitetit "Aristotle" të Selanikut, në datat 11-13 Prill 2025 organizon në Selanik Kongresin e 31-të Shkencor të Studentëve Helenikë të Mjekësisë (SCHMS) dhe Forumin e 19-të Ndërkombëtar të Studentëve të Mjekësisë dhe Mjekëve të Rinj.
Ky Forum është një rast i veçantë, duke bashkuar studentë të mjekësisë dhe mjekë të rinj nga e gjithë bota për të eksploruar përparimet më të fundit në mjekësi. Është një shans unik për të shkëmbyer ide, për të krijuar lidhje dhe për të frymëzuar njëri-tjetrin, në funksion të formësimit të së ardhmes së kujdesit shëndetësor.
Eventi bazohet në një program të pasur diskutimesh, seminaresh dhe prezantimesh që nxjerrin në pah praktikat e reja kërkimore dhe novatore. Kontributet e ekspertëve të shquar janë të paçmueshme, pasi njohuritë e tyre ndihmojnë në drejtim të kërkimit shkencor dhe praktikës mjekësore.
Për më shumë informacion, të interesuarit mund të vizitojnë faqen zyrtare të eventit:
https://www.31esfie.gr/index-en.html
